Не абавязкова. У межах конкурсу будуць падтрыманы толькі тыя праектныя прапановы, якія адпавядаюць агульнай мэце і аднаму або некалькім прыярытэтам.

Для развіцця патэнцыялу сваёй арганізацыі/ініцыятывы заяўнік можа ўключаць у праект наступныя віды дзейнасці:

• Стратэгічнае і аперацыйнае планаванне
• Навучанне, павышэнне кваліфікацыі і падтрымку для супрацоўнікаў/-ніц і валанцёраў/-ак, уключаючы праграмы для пераадолення і прадухілення прафесійнага выгарання і інш.
• Атрыманне кансультацый па пытаннях арганізацыйнага развіцця
• Распрацоўку і ўкараненне палітык і працэдур, у тым ліку па пытаннях бяспекі
• Ацэнку эфектыўнасці дзейнасці
• Інстытуцыяналізацыю ініцыятыўных груп (рэгістрацыя арганізацыі)
• Мерапрыемствы па павышэнні эфектыўнасці дзейнасці кіруючых органаў
• Распрацоўку фірмовага стылю, павышэнне пазнавальнасці, распрацоўку і прасоўванне рэкламных матэрыялаў арганізацый грамадзянскай супольнасці
• Іншую дзейнасць, якая дазволіць заяўнікам павысіць сваю эфектыўнасць на арганізацыйным узроўні

Не. Праект не можа складацца выключна з дзеянняў, накіраваных на ўмацаванне арганізацыйнага патэнцыялу арганізацыі-заяўніка для больш эфектыўнай працы і ажыццяўлення сваёй місіі. Аднак такія дзеянні могуць быць сярод кампанентаў праекта, і выдаткі на такую дзейнасць могуць складаць да 40% ад запытанага бюджэту.

Так. Недапушчальнымі ў гэтым конкурсе з'яўляюцца наступныя віды дзейнасці:

• дзейнасць, звязаная толькі ці пераважна з фінансавай падтрымкай удзелу пэўных асоб у працоўных сустрэчах, семінарах, канферэнцыях і кангрэсах;
• дзейнасць, звязаная толькі ці пераважна з выдачай індывідуальных стыпендый для навучання ці ўдзелу ў адукацыйных курсах;
• дзейнасць, якая заключаецца ў капітальных укладаннях, напрыклад, набыцці зямлі, будынкаў, абсталявання і транспартных сродкаў;
• дзейнасць, якая дыскрымінуе пэўных асоб ці групы людзей па прыкмеце полу, сексуальнай арыентацыі, рэлігійных перакананняў ці адсутнасці такіх, альбо па іх этнічным паходжанні;
• дзейнасць, якая ўтрымлівае заклікі да гвалту;
• дзейнасць, накіраваная на падтрымку палітычных партый.

У межах гэтага праекта таксама не могуць быць падтрыманы некаторыя тыпы выдаткаў, поўны спіс якіх прыведзены ў правілах конкурсу.

Так. Дзейнасць можа ажыццяўляцца анлайн або афлайн як у Беларусі, так і за яе межамі.

Так, у межах дадзенага конкурсу можна запытваць суфінансаванне буйнейшых праектаў, якія будуць выконвацца пры падтрымцы іншых донараў, пры ўмове, што гэтыя праекты адпавядаюць мэце і прыярытэтам нашага конкурсу.

У выпадку запыту на суфінансаванне вам трэба будзе пазначыць дакладныя сумы суфінансавання ў бюджэце і ўдакладніць, хто ўжо падтрымаў дзейнасць праекта, у п.1 заяўкі.

Так, на конкурс можна падаваць праекты, якія не знайшлі падтрымкі ў межах іншых конкурсаў. Звярніце ўвагу: да ўдзелу ў конкурсе будуць прынятыя толькі тыя праектныя заяўкі, якія былі складзены з выкарыстаннем формаў нашага конкурсу. Такім чынам, ідэі праектаў, якія раней прапаноўваліся іншаму донару, павінны быць перанесены ў нашы формы заяўкі і бюджэту.

Не. Каманда праграмы не дае кансультацый наконт ідэй праектаў — мы можам пракансультаваць толькі на прадмет правілаў конкурсу і іх інтэрпрэтацыі, калі нешта незразумела. Члены ацэначнай камісіі таксама не змогуць даць такую кансультацыю: на разгляд камісіі перадаюцца толькі поўныя заяўкі, якія адпавядаюць мэтам, катэгорыям, прыярытэтам конкурсу і пададзеныя заяўнікамі, якія адпавядаюць правілам конкурсу.

Камерцыйныя арганізацыі могуць падаваць заяўкі толькі на такія праекты, якія па сваёй сутнасці накіраваны на грамадска карысныя мэты, а не на атрыманне прыбытку.

Не. Наяўнасць партнёраў не з'яўляецца абавязковым патрабаваннем у межах дадзенага конкурсу. Аднак звярніце ўвагу, што сродкі гранта могуць быць пераведзены толькі на банкаўскі рахунак арганізацыі, зарэгістраванай за межамі Беларусі. Калі заяўнік з'яўляецца незарэгістраванай арганізацыяй / ініцыятыўнай групай або з'яўляецца юрыдычнай асобай у Беларусі, яму неабходна прадугледзець партнёрства з арганізацыяй за межамі Беларусі, якая зможа адміністраваць атрыманне сродкаў гранта. Пры гэтым арганізацыя-атрымальніца сродкаў можа быць як асноўнай заяўніцай, так і партнёркай праекта.

Партнёрамі заяўнікаў па праекце могуць быць арганізацыі і ініцыятыўныя групы, якія дзейнічаюць у Беларусі і за мяжой, з любым юрыдычным статусам: як некамерцыйныя, так і камерцыйныя. Органы дзяржаўнай улады, дзяржаўныя арганізацыі, а таксама палітычныя партыі, рухі і арганізацыі не могуць быць партнёрамі па праектах у межах дадзенага конкурсу.

Наяўнасць партнёраў не з'яўляецца абавязковым патрабаваннем у межах гэтага конкурсу. Аднак звярніце ўвагу, што сярод выканаўцаў праекта павінна быць як мінімум адна арганізацыя, зарэгістраваная за межамі Беларусі, якая зможа прыняць сродкі гранта на свой банкаўскі рахунак. Колькасць партнёраў не абмяжоўваецца – у галоўнага заяўніка можа быць як адзін, так і некалькі партнёраў.

Не. Палітычныя партыі, рухі і арганізацыі не могуць падаваць праектныя прапановы і быць партнёрамі па праектах у межах дадзенага конкурсу. Таксама ў межах гэтага конкурсу не можа фінансавацца дзейнасць, накіраваная на падтрымку палітычных партый.

Не. Органы дзяржаўнай улады і дзяржаўныя арганізацыі не могуць падаваць праектныя прапановы і быць партнёрамі па праектах у межах конкурсу.

Адначасова ў межах аднаго набору арганізацыя/ініцыятыва можа падаць толькі адну праектную прапанову на конкурс у якасці асноўнага заяўніка. Пры гэтым заяўнік можа быць партнёрам у некалькіх праектах, пададзеных на конкурс.

Калі арганізацыя/ініцыятыва ўжо выконвае праект пры падтрымцы праграмы, яна можа падаць на конкурс новую праектную прапанову. У выпадку падтрымкі такой заяўкі ацэначная камісія прыме рашэнне: можа праект пачацца з запланаванай даты ці толькі пасля паспяховага завяршэння папярэдняга праекта (альбо нейкай яго часткі).

Так. Арганізацыя/ініцыятыва можа падаць на конкурс новую праектную прапанову, калі яна ўжо выконвае праект пры падтрымцы праграмы. У выпадку падтрымкі новай заяўкі ацэначная камісія прыме рашэнне: можа праект пачацца з запланаванай даты ці толькі пасля паспяховага завяршэння папярэдняга праекта (альбо нейкай яго часткі).

Формы заяўкі і бюджэту павінны быць запоўнены на беларускай ці рускай мове. Дакументы, пададзеныя на іншых мовах, не будуць удзельнічаць у конкурсе.

Не. Праектныя прапановы ў межах дадзенага конкурсу прымаюцца толькі на пошту cs4b@protonmail.com.

Ацэнка заявак праводзіцца ацэначнай камісіяй, у якую ўваходзіць да 5 беларускіх экспертаў/-ак грамадзянскай супольнасці з розных сфер. На разгляд камісіі перадаюцца толькі поўныя заяўкі, што адпавядаюць мэтам і прыярытэтам конкурсу і пададзены заяўнікамі, якія адпавядаюць правілам конкурсу. Сябры ацэначнай камісіі на працягу некалькіх тыдняў знаёмяцца з пакетам заявак і ацэньваюць іх па шкале, прыведзенай у правілах конкурсу. На падставе выстаўленых балаў фарміруецца рэйтынг праектаў, які ўдакладняецца на фінальным пасяджэнні ацэначнай камісіі. Для таго каб праект мог прэтэндаваць на фінансаванне праграмай, заяўка павінна атрымаць пэўную колькасць балаў.

Пасяджэнні ацэначнага камітэта запланаваны ў тэрмін не пазней як праз паўтара месяца пасля апошняга тэрміну падачы заявак: у першым наборы (прыём заявак да 23:59 20.08.2023) — да 18.09.2023, у другім наборы (да 23:59 24.09.2023) – да 23.10.2023.

Мы імкнемся паведамляць заяўнікам пра станоўчае рашэнне аб падтрымцы на працягу трох працоўных дзён. У выпадку, калі праект не падтрыманы, мы паведамім пра гэта на працягу аднаго працоўнага тыдня. Усе паведамленні аб рашэнні ацэначнай камісіі рассылаюцца па электроннай пошце праз сэрвіс ProtonMail.

Мы імкнемся паведамляць заяўнікам пра станоўчае рашэнне ацэначнага камітэта аб падтрымцы на працягу трох працоўных дзён. У выпадку, калі праект не падтрыманы, мы паведамім пра гэта на працягу аднаго працоўнага тыдня. Усе паведамленні аб рашэнні ацэначнай камісіі рассылаюцца па электроннай пошце праз сэрвіс ProtonMail.

Пасяджэнні ацэначнага камітэта запланаваны ў тэрмін не пазней як праз паўтара месяца пасля апошняга тэрміну падачы заявак: у першым наборы (прыём заявак да 23:59 20.08.2023) — да 18.09.2023, у другім наборы (да 23:59 24.09.2023) – да 23.10.2023.

Пачаць працу можна будзе не раней як праз паўтара месяца пасля пасяджэння ацэначнай камісіі. Звяртаем увагу, што па выніках разгляду заявак ацэначнай камісіяй конкурсу папярэдне зацверджаныя праекты могуць быць адпраўлены на дапрацоўку. Канчатковае рашэнне аб падтрымцы такога праекту будзе прынятае пасля ўнясення заяўнікам адпаведных зменаў у заяўку або бюджэт праекта.

Рашэнне аб падтрымцы любога праекта, пададзенага на конкурс, носіць папярэдні характар аж да падпісання грантавага пагаднення з заяўнікам. Фінальнае рашэнне залежыць ад своечасовай камунікацыі з боку заяўніка, падачы па просьбе грантадаўцы ўсёй інфармацыі, неабходнай для падпісання пагаднення аб фінансаванні, ад паўнаты і дакладнасці такой інфармацыі, а таксама ад вынікаў узгаднення спісу атрымальнікаў падтрымкі з асноўнымі донарамі. Калі заяўнік не будзе своечасова і поўна падаваць інфармацыю і адказваць на пытанні грантадаўцы без папярэджання або прадставіць няпоўную ці недакладную інфармацыю, рашэнне аб падтрымцы праекта можа быць скасавана.

Гэта не абавязкова. У межах нашай праграмы ў выканаўцаў праектаў няма неабходнасці прадугледжваць свой фінансавы ўнёсак або суфінансаванне з іншых крыніц. На выдаткі, якія будуць пазначаны ў якасці фінансавання з іншых крыніц, падаваць справаздачныя дакументы не трэба.

Не. У цяперашняй палітычнай і пандэмічнай сітуацыі ў рэгіёне ўвесь дакументаабарот па праекце будзе весціся ў электроннай форме праз пошту ProtonMail. У сувязі з гэтым закладаць адміністрацыйныя паездкі ў Вільнюс для падпісання дамовы і падачы справаздач у Хаб грамадзянскіх ініцыятыў не патрабуецца.

Кожнаму падтрыманаму праекту праграма прызначае свайго праектнага менеджара. Узаемадзеянне праграмы з грантаатрымальнікам ажыццяўляецца праз электронную пошту ProtonMail; таксама грантаатрымальнікі могуць прымаць удзел у групавых вебінарах па менеджменце праектаў і атрымліваць індывідуальныя кансультацыі праз Zoom па розных аспектах выканання праекта і справаздачнасці. Каманда праграмы чакае, што каардынатар праекта грантаатрымальніка будзе мець доступ да ProtonMail, рэгулярна правяраць пошту і аператыўна адказваць на запыты. Грантаатрымальнік можа весці перапіску з праектным менеджарам на беларускай, рускай ці англійскай мове.

Для рэалізацыі праекта па падтрыманай заяўцы з грантаатрымальнікам будзе падпісана пагадненне аб мэтавым фінансаванні, якое прадугледжвае падаванне апісальнай і фінансавай справаздачнасці аб праекце, што рэалізуецца, па формах праграмы. Справаздачнасць павінна суправаджацца дакументацыяй, якая пацвярджае выдаткі па праекце і дасягненне вынікаў. Такія апісальныя і фінансавыя справаздачы дасылаюцца пасля завяршэння кожнага справаздачнага перыяду, і зацвярджэнне такой справаздачы з'яўляецца падставай для пераводу наступнага плацяжу па праекце. Таксама мы просім грантаатрымальнікаў штомесячна дасылаць праектнаму менеджару з боку праграмы кароткую інфармацыю (некалькі сказаў) аб прагрэсе ў рэалізацыі праекта.

Звычайна справаздачныя перыяды плануюцца на кожныя 3-4 месяцы дзейнасці праекта, і, напрыклад, 6-месячны праект мае два справаздачныя перыяды па тры месяцы. Такім чынам, звычайна плануецца, што пасля першых трох месяцаў выканання праекта грантаатрымальнік падасць прамежкавую справаздачу (апісальную і фінансавую з пацвярджальнымі дакументамі), а пасля завяршэння праекта – фінальную справаздачу (таксама апісальную і фінансавую з пацвярджальнымі дакументамі).

Мы рэкамендуем уключаць у каманду праекта пазіцыі адміністратара і бухгалтара / фінансавага менеджара, якія будуць займацца справаздачнасцю па праекце і весці камунікацыю з грантадаўцам.

Сродкі па праекце будуць пералічвацца праз банк некалькімі (двума ці больш) плацяжамі.

Колькасць і памер такіх плацяжоў разлічваюцца індывідуальна для кожнага праекта ў залежнасці ад графіка дзейнасці, апісанага ў заяўцы, і фіксуюцца ў грантавым пагадненні. Плацяжы прывязаныя да справаздачных перыядаў, якія звычайна плануюцца на кожныя 3-4 месяцы дзейнасці праекта. Усе плацяжы, акрамя фінальнага, робяцца авансам: першы плацёж для пакрыцця выдаткаў першага справаздачнага перыяду пераводзіцца ў пачатку праекта пасля падпісання дамовы, наступныя плацяжы робяцца толькі пасля зацвярджэння справаздачы за папярэдні перыяд. Звярніце ўвагу: кожны авансавы плацёж складае толькі 90% ад запланаванай сумы выдаткаў канкрэтнага справаздачнага перыяду. Гэта азначае, што ў кожным справаздачным перыядзе грантаатрымальнік павінен пакрыць частку выдаткаў гэтага перыяду з уласных сродкаў. Укладзеныя ў праект уласныя сродкі будуць кампенсаваны грантаатрымальніку толькі пасля завяршэння праекта і зацвярджэння фінальнай справаздачы. Фінальны плацёж складзе да 10% ад агульнай сумы гранта.

У гэтым выпадку карыстайцеся, калі ласка, любым VPN-сэрвісам.